ლიბანის „ჰეზბოლამ“ ისრაელის მიმართულებით 100-ზე მეტი რაკეტა გაუშვა. ახლო აღმოსავლეთში მზარდი დაძაბულობის ფონზე საერთაშორისო თანამეგობრობა სამშვიდობო მოლაპარაკებების დაწყებას მოითხოვს. როგორც ვარაუდობენ, „ჰეზბოლას“ თავდასხმა ისრაელის მიერ ბეირუთზე ავიაიერიშსა და „ჰეზბოლას“ მეთაურების მკვლელობას მოჰყვა.
ევროკავშირის დიპლომატი ჯოზეფ ბორელი სოციალურ ქსელში, პლატფორმა იქსზე, წერს, რომ იგი შეშფოთებულია „ჰეზბოლასა“ და ისრაელს შორის მზარდი დაძაბულობის გამო. ბორელი მხარეებს დაუყოვნებლივ ცეცხლის შეწყვეტისკენ მოუწოდებს.
The EU is extremely concerned by the escalation in Lebanon, following Friday’s attacks in Beirut & the increasing cross border violence between Israel and Hezbollah.
Civilians on both sides are paying an enormous price. An immediate ceasefire is needed.https://t.co/dw3d06Tzll
— Josep Borrell Fontelles (@JosepBorrellF) September 22, 2024
ლიბანის დედაქალაქში „ჰეზბოლას“ მებრძოლების დაკრძალვას დაჯგუფების ასობით მხარდამჭერი დაესწრო.
„ჰეზბოლას“ ლიდერის მოადგილემ ნაიმ ქასემმა საჯარო შეკრებაზე განაცხადა, რომ მისი ჯგუფი ისრაელთან ბრძოლაშია ჩართული. ისრაელის პრემიერ-მინისტრი ბენიამინ ნეთანიაჰუ აცხადებს, რომ უსაფრთხოების უზრუნველსაყოფად ყველა საჭირო ზომას მიიღებენ.
