კონგოს დემოკრატიულ რესპუბლიკაში მაიმუნის ყვავილის ვაქცინის პირველი პარტია ჩავიდა, მას შემდეგ, რაც ჯანდაცვის მსოფლიო ორგანიზაციამ ამ დაავადებასთან დაკავშირებით საგანგებო მდგომარეობა გამოაცხადა. ვაქცინის 100 000 დოზა, რომელიც დამზადებულია დანიური კომპანიის ბავარიული ნორდიკის მიერ, ევროკავშირმა HERA-ს გადასცა.
The first delivery of 99,000 doses of the #Mpox vaccine provided by @EC_HERA has arrived today in Kinshasa, RDC 🇨🇩 This initiative is part of a comprehensive set of @EU_Commission actions put in place as part of the #EUGlobalGateway, to support partners in the rest of the world. pic.twitter.com/w743VPFzaf
— EU HERA (@EC_HERA) September 5, 2024
კონგოს ხელისუფლებაში ადასტურებენ, რომ მომავალ შაბათს ევროკავშირისგან ვაქცინის დამატებით 100 000 დოზას ელიან.
კონგოს ყველაზე მეტად დაზარალებულ რეგიონებში ვაქცინაციის კამპანიას იუნისეფი წარმართავს, თუმცა ჯერჯერობით უცნობია, როდის დაიწყება აცრის პროცესი. დასავლელი პარტნიორები კონგოს ვაქცინის დაახლოებით 380 000 დოზას დაჰპირდნენ. მაიმუნის ყვავილით ინფიცირებისა და გარდაცვალების ყველაზე მეტი შემთხვევა სწორედ ამ ქვეყანაში გამოვლინდა.
2022 წელს მაიმუნის ყვავილის გლობალური გავრცელების შემდეგ განვითარებულმა ქვეყნებმა მალევე გამოყვეს მარაგებიდან სამკურნალო საშუალებები და ვაქცინები, თუმცა ადგილობრივი მთავრობების მოთხოვნის მიუხედავად აფრიკამდე ვაქცინების ძალზედ მცირე რაოდენობა ჩავიდა.
