12-14 სექტემბერს ბათუმში კრეატივის მე-8 საერთაშორისო ფესტივალი Ad Black Sea 2024 გაიმართება. სარეკლამო და მარკეტინგის სფეროში მომუშავე ადამიანებს 3 დღის განმავლობაში მსოფლიოს სარეკლამო ინდუსტრიის ლიდერების გამოსვლებზე, პანელურ დისკუსიებზე, ვორქშოპებზე, წვეულებებსა და დაჯილდოების ცერემონიაზე დასწრების საშუალება მიეცემათ.
გასულ წელს ფესტივალმა დელეგატების რეკორდულ რაოდენობას, 1300 სტუმარს, უმასპინძლა. ამ თემაზე ევრონიუს ჯორჯიას ეთერში Ad Black Sea-ს აღმასრულებელმა დირექტორმა თამარ ცინცაძემ და Ad Black Sea-ს კონკურსის ხელმძღვანელმა სოფო კეჩხოშვილმა ისაუბრეს.
