23-28 აგვისტოს, „სპორტს ორიენტის“ ორგანიზებით, თბილისი ვიტალი დარასელიას სახელობის საერთაშორისო ტურნირს მასპინძლობს.
16-წლამდე ფეხბურთელთა ტურნირი 2016 წლიდან იმართება და მიმდინარე წელს მისი მე-6 გათამაშება ტარდება.
დარასელიას თასის გათამაშებაში 6 გუნდი მონაწილეობს – დინამო თბილისი, თბილისის ლოკომოტივი, იუვენტუსი, უოტფორდი, ვალენსია და გალათასარაი. მიმდინარე წელს, არსებობის განმავლობაში პირველად, ტურნირი ბუნებრივ საფარიან მოედნებზე იმართება.
დარასელიას თასი 2024-ის მატჩებს ილია კოკაიას სახელობის საფეხბურთო ცენტრი და საგურამოში ლოკომოტივის საფეხბურთო ბაზა მასპინძლობს. ტურნირის ფინალური შეხვედრა კი, დინამო არენაზე ჩატარდება. სიახლეა ისიც, რომ ტურნირს ორი ელჩი ეყოლება – ქართული ფეხბურთის ლეგენდები თემურ ქეცბაია და ვლადიმერ გუცაევი.
