ამერიკის შეერთებული შტატების “ევროპის უსაფრთხოებისა და თანამშრომლობის კომისია” – იგივე ჰელსინკის კომისია – პლატფორმაზე X გამოქვეყნებულ განცხადებაში წერს, რომ “ქართული ოცნება” ქოლცენტრებიდან შემოსულ შავი ფულს იყენებს.
„ქართული ოცნება“ ეყრდნობა შავ ფულს, თაღლითური ქოლცენტრების ქსელიდან მსოფლიოს გარშემო. იმის იმედად, რომ დააფინანსოს თავისი ოპერაციები და შეავიწროვეს ოპოზიცია” – წერს ჰელსინკის კომისია.
ჰელსინკის კომისია ამერიკის შეერთებული შტატების სახელმწიფო დეპარტამენტს მოუწოდებს, რომ დაუპირისპირდეს ამგვარ ქოლცენტრებს. ასევე განცხადებაში ნათქვამია, რომ ქოლცენტრებიდან შემოსულ ფულს მმართველი პარტია ქართველი ხალხის წინააღმდეგ ანტიდემოკრატიულ კამპანიაში იყენებს.
🇬🇪 Georgian Dream relies on dark money from a network of scam call centers around the world to fund its operations & harass its opposition.@StateDept should crack down on these call centers that sponsor Georgian Dream's antidemocratic campaign against the Georgian people.
— U.S. Helsinki Commission (@HelsinkiComm) August 12, 2024
„ქართული ოცნების“ მიერ თაღლითური ქოლცენტრების გამოყენებაზე ამერიკელი კონგრესმენიც საუბრობდნენ. მათ ოფიციალური წერილით 31 ივლისს აშშ-ის სახელმწიფო მდივანს, ენტონი ბლინკენს მიმართეს. მათ ბიძინა ივანიშვილისა და მისი გარემოცვისთვის სანქციების დაწესება მოითხოვეს.
აშშ-ის ჰელსინკის კომისია არის აშშ-ის ხელისუფლების კომისიაა, რომელიც მუშაობს ადამიანის უფლებების დაცვაზე, სამხედრო უსაფრთხოებასა და ეკონომიკურ თანამშრომლობაზე ევროპის, ევრაზიისა და ჩრდილოეთ ამერიკის 57 ქვეყანაში. კომისიის ცხრა წარმომადგენელი სენატის წევრია, ცხრა – წარმომადგენელთა პალატის, სამი კი – აღმასრულებელი ხელისუფლების ოფიციალური პირია.
