2008 წლის აგვისტოს ომის დაწყების მე-16 წლისთავს საერთაშორისო პარტნიორები ეხმაურებიან. განცხადებებს ავრცელებენ ევროპული ქვეყნების ლიდერები.
სოციალურ ქსელ X-ზე ევროპარლამენტის პრეზიდენტმა რობერტა მეცოლამ რუსეთის მიერ საქართველოს წინააღმდეგ განხორციელებულ აგრესიაზე დაწერა. განცხადებაში მან ევროპარლამენტის სახელით საქართველოს სუვერენიტეტსა და ტერიტორიულ მთლიანობას, ასევე ქართველ ხალხს ურყევი მხარდაჭერა გამოუცხადა.
„საქართველოს წინააღმდეგ რუსეთის აგრესიიდან 16 წლის შემდეგ საქართველოს სუვერენიტეტის, ტერიტორიული მთლიანობისა და მისი ხალხის ევროპული მისწრაფებების მიმართ ევროპარლამენტის მხარდაჭერა ურყევი რჩება“, – დაწერა რობერტა მეცოლამ სოციალურ ქსელ X-ზე.
16 years after Russia’s aggression against Georgia, the @Europarl_EN has not wavered in its support for Georgia’s sovereignty and territorial integrity, and the European aspirations of its people.
— Roberta Metsola (@EP_President) August 7, 2024
