ცნობილი გახდა დეტალები თუ რას გულისხმობს აშშ-ის ახალი სამხედრო დახმარება რასაც უკრაინა მიიღებს.
აშშ-ის თავდაცვის დეპარტამენტის ოფიციალურ ვებგვერდზე განთავსებული ინფორმაციის მიხედვით, პაკეტის ღირებულება 200 მილიონ დოლარს შეადგენს და მოიცავს ისეთი ტიპის შეიარაღებით დახმარებას როგორიცაა: ნასამსის (Munitions for National Advanced Surface-to-Air Missile Systems) საჰაერო თავდაცვის სარაკეტო სისტემები, ახლო და საშუალო მოქმედების საჰაერო თავდაცვის საშუალებები, რადიოელექტრონული ბრძოლის საშუალებები, ჰაიმარსის (HIMARS) აღჭურვილობა და შეიარაღება.
155 და 105 მილიმეტრის საარტილერიო ჭურვები, ჯაველინის და სხვა ტანკსაწინააღმდეგო სისტემები, ასევე, დაცული საკომუნიკაციო სისტემები და ასაფეთქებელი მოწყობილობები.
ცნობისთვის, უკრაინისთვის სამხედრო დახმარების პაკეტის შესახებ შეერთებულმა შტატებმა 11 ივლისსაც განაცხადა.
პაკეტი „პეტრიოტის“ ტიპის საჰაერო თავდაცვის სისტემას მოიცავდა. დღესვე უკრაინის პრეზიდენტმა ვოლოდიმირ ზელენსკიმ შეერთებულ შტატებს დახმარების ახალი პაკეტების გამოყოფისთვის მადლობა გადაუხადა. მან განცხადება, პლატფორმა X-ზე გამოაქვეყნა.
I am deeply grateful to @POTUS Joe Biden, Congress and its both parties, and the entire American people for today's announcement of two US military aid packages totaling $1.7 billion.
They include critical ammunition, including air defense ammunition, electronic warfare…
— Volodymyr Zelenskyy / Володимир Зеленський (@ZelenskyyUa) July 29, 2024
ზელენსკის თქმით, მსგავსი დახმარებები უკრაინას საშუალებას აძლევს, თავი დაიცვას რუსული თავდასხმებისგან და გადაარჩინოს უკრაინელთა სიცოცხლე. მისივე განცხადებით, ეს დახმარება არის ამერიკის ძალისა და ლიდერობის დემონსტრირება აგრესიისა და ტერორის წინააღმდეგ.
