ამერიკის შეერთებული შტატების პრეზიდენტს, ჯო ბაიდენს კორონავირუსი დაუდასტურდა. თეთრი სახლის ინფორმაციით, პრეზიდენტს მსუბუქი სიმპტომები აქვს.
მისი პრესმდივანი ამბობს, რომ რომ აშშ-ის პრეზიდენტი ვაქცინირებულია და მის ჯანმრთელობას საფრთხე არ ემუქრება.
81 წლის პრეზიდენტზე ძლიერია ზეწოლა, რათა მან დატოვოს საპრეზიდენტო კამპანია ასაკისა და ჯანმრთელობის მდგომარეობის გამო და სხვა პოლიტიკოსს დაუთმოს გზა არჩევნებში.
ამერიკული მედიის ცნობით, წარმომადგენელთა პალატის ყოფილმა სპიკერმა ნენსი პელოსიმ პირადად უთხრა პრეზიდენტ ჯო ბაიდენს ბოლო საუბარში, რომ გამოკითხვა აჩვენებს, რომ პრეზიდენტი ვერ დაამარცხებს დონალდ ტრამპს და რომ ბაიდენმა შეიძლება ასევე გაანადგუროს დემოკრატების შანსები მოიგონ პალატაში უმრავლესობა ნოემბერში.
ამ ცნობების გავრცელებამდე კი ჯო ბაიდენმა განაცხადა, რომ თუკი მას ექიმები სამედიცინო დიაგნოზს დაუსვამდნენ ან ჯანმრთელების რაიმე პრობლემა გამოიკვეთებოდა, იგი გამოეთიშებოდა საპრეზიდენტო რბოლას.
