ბოტანიკის ინსტიტუტს 90 წელი უსრულდება. ამ თარიღთან დაკავშირებით, 12 ივლისს თბილისის ბოტანიკური ბაღის სადღესასწაულო სივრცეში ილიას სახელმწიფო უნივერსიტეტი საბუნებისმეტყველო მეცნიერებების პოპულარიზაციის ღია კარის დღეს გამართავს. ნიკო კეცხოველის სახელობის ბოტანიკის ინსტიტუტი 1933 წელს დაარსდა.
ინსტიტუტის საიუბილეო თარიღთან დაკავშირებით ევრონიუს ჯორჯიას ეთერში ბიოლოგმა, ილიაუნის პროფესორმა დავით თარხნიშვილმა ისაუბრა.
