უკრაინამ და პოლონეთმა მიიღეს სხვადასხვა ზომა და პირობა დადეს, რომ უფრო მეტად გააძლიერებენ თანამშრომლობას უსაფრთხოების საკითხებში.
ვოლოდიმირ ზელენსკის მიერ ახლახან გავრცელებული უსაფრთხოების შეთანხმების მიხედვით, კიევი ჩამოაგდებს პოლონეთისკენ მფრინავ რუსულ რაკეტებს, ხოლო ვარშავა უკრაინელ სამხედროებს გაწვრთნის.
პოლონეთის პრემიერ-მინისტრი დონალდ ტუსკი ამბობს, რომ პოლონელები ეხმარებიან უკრაინას, რადგან, ერთი მხრივ, პატივს სცემენ მათ მეგობრობასა და სოლიდარობას გამოხატავენ, მეორე მხრივ კი, ითვალისწინებენ მათსავე ინტერესებს. მისი თქმით, ვინც დღეს უკრაინას იცავს, თავის თავსაც იცავს.
Today in Warsaw, Poland’s Prime Minister @donaldtusk and I signed the Agreement on Security Cooperation between Ukraine and the Republic of Poland.
This unprecedented document includes a provision for shooting down Russian missiles and drones in Ukraine’s airspace that are fired… pic.twitter.com/AChZfTsV03
— Volodymyr Zelenskyy / Володимир Зеленський (@ZelenskyyUa) July 8, 2024
პოლონეთში ამ სიტყვებს განსაკუთრებული მნიშვნელობა აქვს. დონალდ ტუსკი მიიჩნევს, რომ ეს მათი უსაფრთხოების თანამშრომლობის საუკეთესო გარანტიაა. დღეს მათ აქვთ საერთო პროგრამა და პროექტი, რადგან მათი უსაფრთხოების საკითხიც საერთოა.
ეს განცხადებები ვაშინგტონში ნატოს ლიდერების შეხვედრამდე გაკეთდა, რომელზეც უკრაინისთვის გრძელვადიანი უსაფრთხოებისა და სამხედრო დახმარების საკითხები უნდა განიხილონ. ნიდერლანდებიც კიდევ უფრო აძლიერებს მხარდაჭერას უკრაინისადმი და აცხადებს, რომ ომში ჩართულ ქვეყანას F-16 თვითმფრინავებს გადასცემს. ალიანსის ახალი გენერალური მდივანი მარკ რუტე კი ახალ თანამდებობაზე მუშაობას ოქტომბრის დასაწყისში შეუდგება.
