„მისი არც ერთი დიაგნოზი არ ყოფილა მცდარი… არასდროს… მთელი მისი ცხოვრების განმავლობაში” – ამბობდნენ კოლეგები გიორგი დანელიას შესახებ მისი ხსოვნისადმი მიძღვნილ საღამოზე.
პროფესორი გიორგი დანელია – ქართველი პათოლოგანატომი, ბრწყინვალე მეცნიერი და ადამიანი. მრავალმხრივი ნიჭით დაჯილდოებული კაცი, რომელსაც თურმე ასეთი საოცარი სახსოვარი დაუტოვებია შთამომავლებისთვის. ამას ადასტურებდა ეს საღამო. ძალიან მნიშვნელოვანი საღამო, თუნდაც, ღვაწლის დანახვისა თუ დაფასებისა და მადლიერების გამოხატვის თვალსაზრისით.
იმ საღამოს ბევრი ისაუბრეს გიორგი დანელიას პროფესიულ მიგნებებსა და მის ინოვაციურ მიდგომებზე, რომლებიც დღესაც თბილისის სახელმწიფო სამედიცინო უნივერსიტეტის სასწავლო პროგრამების ნაწილია.
