ისრაელის ლიდერები, კერძოდ, თავდაცვის მინისტრი იოავ გალანტი და ისრაელის თავდაცვის ძალების გაერთიანებული შტატების უფროსი, ღაზაში მიმდინარე ომის უფრო ნაკლები ინტენსივობის ფაზაზე გადასვლაზე საუბრობენ.
ამასთან, პრემიერ-მინისტრი ბენიამინ ნეთანიაჰუ აცხადებს, რომ ისრაელს აქვს ვალდებულება, ყველა მძევალი დააბრუნოს და ღაზის სექტორში სრულად გაანადგუროს „ჰამასი“.
იტალიის თავდაცვის მინისტრი გვიდო კროსეტო კი კიდევ ერთხელ მოუწოდებს ბენიამინ ნეთანიაჰუს, შეწყვიტოს ღაზაში საომარი მოქმედებები.
იტალიის თავდაცვის მინისტრ გვიდო კროსეტოს იმედი აქვს, რომ ნეთანიაჰუს ესმის, რის თქმასაც საერთაშორისო საზოგადოება ცდილობს თვეების განმავლობაში. ეს მათსავე ინტერესებშია. როდესაც იტალია და შეერთებული შტატები სთხოვენ ნეთანიაჰუს, შეაჩეროს ეს ომი, ისრაელის კეთილდღეობიდან გამომდინარე ხელმძღვანელობენ.
ისრაელელთა განმარტებით, მესამე ფაზა საბრძოლო მოქმედების შემცირებას, მიზანმიმართულ ავიადარტყმებს, საბრძოლო შენაერთების გაყვანას, ღაზის საზღვართან ბუფერული ზონის მოწყობასა და ასევე „ჰამასის“ მმართველობის ალტერნატივის მოძიებას ითვალისწინებს.
