რუსული ძალების მიერ უკრაინის სამოქალაქო და ენერგოინფრასტრუქტურაზე თავდასხმების ფონზე, პრეზიდენტი ვოლოდიმირ ზელენსკი აცხადებს, რომ უკრაინული მხარე აქტიურად მუშაობს პარტნიორებთან, რათა ქვეყანას „პატრიოტის“ სარაკეტო სისტემები გადაეცეს.
რუმინეთმა უკვე დადო პირობა უკრაინისთვის ამ სისტემის მიწოდების თაობაზე.
Romania’s decision to transfer one more Patriot system to Ukraine is a truly strong move. It will increase security throughout our region and for all of our neighbours. For Moldova, the Baltic states, and Romania.
We have the ability to overcome Russian imperial ambitions and… pic.twitter.com/nkb8pkqNJi
— Volodymyr Zelenskyy / Володимир Зеленський (@ZelenskyyUa) June 20, 2024
ახალწვეულების სიმცირის გამო კი უკრაინის ჯარში პატიმრების გაწვევა დაიწყო.
ბოლო ინფორმაციით, ქვეყნის შეიარაღებულ ძალებთან კონტრაქტს ხელი უკვე მოაწერა 3000-ამდე მსჯავრდებულმა. ის, ვინც კონტრაქტს მოაწერს ხელს, სასჯელისგან გათავისუფლდება ერთი პირობით – მან იქამდე უნდა იბრძოლოს, სანამ რუსეთთან ომი არ დასრულდება.
ბოლო თვეებია, უკრაინულ მხარეს დიდი დანაკარგი აქვს. მსჯავრდებულებთან დაკავშირებით, ახალი კანონის მიზანი დამატებით ასეულობით ჯარისკაცის მობილიზებაა, თუმცა ამ პროცესს შესაძლოა თვეები დასჭირდეს.
უკრაინის პრეზიდენტის ვოლოდიმირ ზელენსკის თქმით, მათ ახლა აქვთ შესაძლებლობა, დაამარცხონ რუსული იმპერიალისტური ამბიციები, რაც მისი თქმით, ევროპაში მშვიდობასა და თავდაჯერებულობას დააბრუნებს.
