უკრაინისადმი მიმართულმა აგრესიამ ევროპაში კონფლიქტის გავრცელების რისკი გაზარდა. ამ ფონზე ნატოს 20-ზე მეტი ქვეყანა ალიანსის თავდაცვითი ხარჯების მიზანს აღწევს. ამის შესახებ ნატოს გენერალურმა მდივანმა იენს სტოლტენბერგმა აშშ-ის პრეზიდენტ ჯო ბაიდენთან შეხვედრამდე უილსონის ცენტრში ყოფნისას განაცხადა.
Great to be back in the 🇺🇸 and meet @POTUS to prepare our #NATOSummit in July, where we will strengthen support to #Ukraine. Today we published new numbers on defence spending, showing 23 #NATO Allies now spend 2% of GDP on defence. pic.twitter.com/h0HBAKd6f1
— Jens Stoltenberg (@jensstoltenberg) June 17, 2024
ნატოს გენერალური მდივნის იენს სტოლტენბერგის განცხადებით, ევროპული კონტინენტის უსაფრთხოებისთვის უმნიშვნელოვანესია ევროპაში შეერთებული შტატების ყოფნა სამხედრო თვალსაზრისით.
თუმცა, მისი თქმით, ევროპელებიც წინა წლებთან შედარებით, კოლექტიური უსაფრთხოებისთვის ბევრად მეტს აკეთებენ, ისინი ხელმძღვანელობენ საბრძოლო ჯგუფებს ალიანსის აღმოსავლეთ ნაწილში.
იენს სტოლტენბერგი დასძენს, რომ მათ გაზარდეს თავიანთი ძალების მზადყოფნის დონე და გააძლიერეს ნატო ფინეთისა და შვედეთის სამხედრო ძალების გაწევრებით.
გასულ წელს ნატოს წევრ ქვეყნებში შეთანხმდნენ, რომ მათი მთლიანი შიდა პროდუქტის ორი პროცენტი თავდაცვას მოხმარებოდა.
სავარაუდო მაჩვენებელი კი თითქმის ოთხჯერ მეტია იმ ხარჯზე, რომელიც 2021 წელს ნატოს 32 წევრ ქვეყანას თავდაცვის უზრუნველსაყოფად ჰქონდა.
