ისრაელელი სამხედროები აცხადებენ, რომ დაასრულეს ორდღიანი ოპერაცია ოკუპირებულ დასავლეთ სანაპიროზე.
პალესტინელთა ჯანდაცვის სამინისტრო ავრცელებს ინფორმაციას 12 პალესტინელის დაღუპვისა და 25 ადამიანის დაშავების შესახებ.
ჯენინი და მის ახლოს მდებარე ლტოლვილთა ბანაკი უკვე დიდი ხანია ისრაელის წინააღმდეგ შეიარაღებული ბრძოლის ბასტიონია. ღაზაში დაწყებული ომის შემდეგ აქ უფრო გახშირებულია ისრაელელთა რეიდები.
ერთ-ერთი უფლებადამცველი ორგანიზაცია ავრცელებს კადრებს, როგორ შედიან ისრაელელი სამხედროები დეირ აბუ მაშალში მდებარე ერთ-ერთ საცხობში და თავს ესხმიან იქ მყოფ პალესტინელებს. მანამდე რამდენიმე ახალგაზრდამ მათ სამხედრო ავტომობილებს ქვები დაუშინა. ერთ-ერთმა მათგანმა სწორედ ამ საცხობს შეაფარა თავი.
A video shows Israeli occupation forces preventing a Palestine Red Crescent ambulance crew from transporting a person wounded by live ammunition in #Jenin, forcing them to leave the injured person and vacate the area. #IHL pic.twitter.com/IFcr8neyo4
— PRCS (@PalestineRCS) May 23, 2024
ისრაელის პრემიერ-მინისტრმა ბენიამინ ნეთანიაჰუმ 23 მაისს ჩრდილოეთ სარდლობის შტაბში შეხვედრა გამართა და განაცხადა, რომ უკვე შემუშავებული აქვთ დეტალური, ძალიან მნიშვნელოვანი და მოულოდნელი გეგმები, რომელთა გამხელასაც არ აპირებს.
მას შემდეგ, რაც 7 ოქტომბერს გატაცებული მძევლების აქამდე უცნობი კადრები გავრცელდა, თელ–ავივსა და იერუსალიმში ასობით მომიტინგე შეიკრიბა და მთავრობისგან მათი დაუყოვნებლივ გათავისუფლება მოითხოვა.
