ევროკავშირისა და გაეროს განვითარების პროგრამის ხელშეწყობით, სკოლის მოსწავლეები შავი ზღვის ეკოსისტემას სწავლობენ.
ანაკლიის, ბათუმის, ბობოყვათის, გონიოს, ქობულეთისა და ფოთის საჯარო სკოლების მოსწავლეები დელფინების მონიტორინგში ჩაერთნენ. მოსწავლეთა ჯგუფი ათდღიანი ინტერვალებით საქართველოს სანაპიროზე დელფინების მონიტორინგს ახორციელებს და სპეციალური პროტოკოლების მეშვეობით აღრიცხავს მათ გამოჩენას სხვადასხვა ლოკაციაზე, მათ შორის ფოთსა და გონიოში.
ამ თემაზე ევრონიუს ჯორჯიას ეთერში გარემოს ეროვნული სააგენტოს მეთევზეობის და აკვაკულტურის სამმართველოს უფროსმა, რამაზ მიქელაძემ ისაუბრა.
