“ჩინეთი რუსეთს ლეტალურ იარაღს აწვდის, ან ახლო მომავალში მიაწვდის” – შაპსი

დიდი ბრიტანეთის თავდაცვის მინისტრის, გრანტ შაპსის, თქმით, ჩინეთი რუსეთს აწვდის, ან უახლოეს მომავალში მიაწვდის ლეტალურ იარაღს, რომელსაც მოსკოვი უკრაინის წინააღმდეგ ომში გამოიყენებს. გრანტ შაპსმა ამ თემასთან დაკავშირებით ლონდონში გამართულ პრესკონფერენციაზე ისაუბრა. მან აღნიშნა, რომ ამერიკის შეერთებული შტატებისა და დიდი ბრიტანეთის დაზვერვის სამსახურებს ბრალდების დამადასტურებელი მტკიცებულება აქვთ.

დიდი ბრიტანეთის თავდაცვის მინისტრს ბრალდებასთან დაკავშირებულ დეტალებზე არ უსაუბრია.