გაერთიანებული სამეფოს საგარეო საქმეთა მდივანი დეივიდ კამერონი უკრაინას ეწვია. ბრიტანელი მაღალჩინოსანი უკრაინის პრეზიდენტსა და საგარეო საქმეთა მინისტრს შეხვდა, მიაგო პატივი რუსული აგრესიის წინააღმდეგ ბრძოლაში დაღუპული ჯარისკაცებისა და ოფიცრების ხსოვნას და მოინახულა კიევში გამოფენილი განადგურებული რუსული სამხედრო ტექნიკა.
კიევში ყოფნისას მან თქვა, რომ უკრაინას „აბსოლუტურად აქვს უფლება“ თავს დაესხას რუსეთის ტერიტორიას ბრიტანული იარაღით. მისივე განცხადებით, მხოლოდ კიევის გადასაწყვეტია, თუ როგორ გამოიყენებს ბრიტანეთიდან მიწოდებულ საბრძოლო მასალას.
Thank you President @ZelenskyyUA for welcoming me once again to Kyiv.
The UK is focussed on giving you the tools you need to defend your land and build a prosperous future for the Ukrainian people.
Slava Ukraini. https://t.co/c9a03qawRn
— David Cameron (@David_Cameron) May 3, 2024
„მიმაჩნია, რომ ჩვენ მიერ კიევისთვის გადაცემული ბოლო სამხედრო პაკეტი, რომელიც 3 მილიარდი ფუნტის მოცულობის გახლავთ, უკრაინელი ერის უსაფრთხოებას მოხმარდება. უკრაინას დავეხმარებით შემდეგ წელსაც და მანამ, სანამ ეს საჭირო იქნება”, – განაცხადა დეივიდ კამერონმა, გაერთიანებული სამეფოს საგარეო საქმეთა მდივანმა.
გაერთიანებული სამეფო უკრაინის ერთ-ერთი ყველაზე აქტიური მხარდამჭერია.