Fanvue World AI Creator Awards ხელოვნური ინტელექტის მიერ შექმნილი ქალების სილამაზის კონკურსს ატარებს. Fanvue პლატფორმაა, რომელიც ხელოვნური ინტელექტის მიერ შექმნილ ნამუშევრებს აერთიანებს და შემქმნელებს ანაზღაურებას სთავაზობს. სილამაზის კონკურსში გამარჯვებული ჯილდოს სახით 5000 დოლარს მიიღებს.
ხელოვნური ინტელექტის მიერ შექმნილი ქალები სამი კატეგორიით შეფასდებიან. პირველ რიგში ეს მათი გარეგნობაა და ის თუ რამდენად უნიკალურად და დამახასიათებლად შეუძლია, უპასუხოს დასმულ კითხვებს.
მეორე კატეგორიით შეფასდებიან თავად შემქმნელები. მესამე კატეგორიაში კი ჟიურის წევრები შეაფასებენ ხელოვნური ინტელექტის მიერ შექმნილი მოდელების აქტივობას სოციალურ ქსელში.
