ევროპის ეკონომიკური და სოციალური კომიტეტი “უცხოური გავლენის კანონპროექტის“ შესახებ განცხადებას ავრცელებს.
„ჩვენ ღრმად შეშფოთებულნი ვართ ამ დისკრიმინაციული ინიციატივით, რომელიც მიმართულია სამოქალაქო საზოგადოების, მათ შორის დამსაქმებელთა ასოციაციების, პროფკავშირებისა და მედიის მიმართ. კანონი „უცხოური გავლენის გამჭვირვალობის შესახებ“ აშკარა წინააღმდეგობაშია ევროკავშირის ღირებულებებსა და პრინციპებთან. დამტკიცების შემთხვევაში, შემოთავაზებული კანონმდებლობა ხელს შეუშლის დამოუკიდებელ მედიაორგანიზაციებს, რომლებიც მუშაობენ ქართველი ხალხისთვის სანდო და ხარისხის ინფორმაციის ხელმისაწვდომობაზე“, – ნათქვამია განცხადებაში.
ევროპის ეკონომიკური და სოციალური კომიტეტი მოუწოდებს საქართველოს ხელისუფლებას, უპასუხოს მოსახლეობის აბსოლუტური უმრავლესობის მოთხოვნებს ევროკავშირში ინტეგრაციაზე.
