პალესტინის სამოქალაქო დაცვის ჯგუფში აცხადებენ, რომ მათგან ზოგიერთი მაშინ დაიღუპა, როცა საავადმყოფოს ალყა შემოარტყეს, ზოგი კი გასულ თვეს ჩატარებულ რეიდს ემსხვერპლა.
ისრაელის არმიის გასვლის შემდეგ მოქალაქეები თავიანთი საყვარელი ადამიანების ცხედრების ამოსაცნობად ქალაქში დაბრუნდნენ.
ამავდროულად, ლუქსემბურგში ევროკავშირის ქვეყნების საგარეო საქმეთა მინისტრების შეხვედრაზე, ჯოზეფ ბორელმა, ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ისრაელსა და „ჰამასს“ შორის ცეცხლის შეწყვეტასთან დაკავშირებული მოლაპარაკებების თაობაზე ისაუბრა.
ბორელის თქმით, არ არსებობს ცეცხლის შეწყვეტის ან ჰუმანიტარული ვითარების გამოსწორების რეალური პერსპექტივა.
ამ ეტაპზე სამი რამ არის აუცილებელი.
ესენია – მძევლების გათავისუფლება, ცეცხლის შეწყვეტა და ჰუმანიტარული ვითარების მოგვარება. სამწუხაროდ, არცერთ პუნქტთან დაკავშირებით არ არსებობს პროგრესი.
გასულ კვირას „ჰამასმა“ არ გაიზიარა ისრაელის შეთავაზება, რომელიც ცეცხლის შეწყვეტას ეხებოდა. მან კიდევ ერთხელ გაიმეორა ძირითადი მოთხოვნები, რომლებიც ღაზიდან ისრაელის არმიის გასვლასა და ლტოლვილების უკან დაბრუნებას ითვალისწინებს.
ისრაელისთვის კი პრიორიტეტი იმ მძევლების დაბრუნებაა, რომლებიც ჯერ კიდევ ღაზაში არიან.
