მთავარიკუბიმაიკროსოფტის ხელოვნური ინტელექტის მოდელი ფოტოებს „გააცოცხლებს“

მაიკროსოფტის ხელოვნური ინტელექტის მოდელი ფოტოებს „გააცოცხლებს“

კომპანია მაიკროსოფტის ინჟინრებმა წარმოადგინეს ხელოვნურ ინტელექტზე დაფუძნებული ახალი ტექნოლოგია, რომელსაც შეუძლია ხმისა და სურათის სინთეზი, რის შემდეგაც ფოტო რეალისტური ვიდეო ხდება.

ვიდეო შეიქმნება როგორც რეალური ადამიანების სახეებისგან, ასევე მულტფილმების პერსონაჟებისგან და ხელოვნების ნიმუშებისგან. მაგალითად, ყველაზე ვირუსულად პლატფორმა „იქსზე“ გავრცელდა, ლეონარდო და ვინჩის „მონა ლიზა“, რომელიც „რეპავს“.

აღფრთოვანებასთან ერთად, სოციალურ ქსელში მომხმარებლებს შორის ხელოვნური ინტელექტის ამ მოდელმა გაღიზიანებაც გამოიწვია.

მაიკროსოფტში ფიქრობენ, რომ ამ ტექნოლოგიის გამოყენება სასარგებლო იქნება საგანმანათლებლო მიზნებისთვის და ასევე, იმ ადამიანებისთვის, ვისაც კომუნიკაციის დამყარების პრობლემები აქვთ. თუმცა, მომხმარებლების ნაწილი აღნიშნავს, რომ ამ ტექნოლოგიით შესაძლებელია გაყალბება ინფორმაციის და ე.წ. „დიპფეიკ“ ვიდეოების შექმნა, სადაც რეალურ ადამიანს ათქმევინებენ იმას, რაც არასდროს უთქვამს.

ხელოვნური ინტელექტის მოდელი VASA-1 ჯერ-ჯერობით იტესტება და მასშტაბურად როდის შეძლებენ მის გამოყენებას უცნობია.

უახლესი

სხვა ამბები

00:05:04

“MEGOBARI”

spot_imgspot_img
Send this to a friend