ახალგაზრდა თაობის ცხოვრების ხარისხის გაუმჯობესება და მათთვის ნათელი მომავლის შექმნა – ეს არის ბავშვთა საგანმანათლებლო კომპანია “სმარტ მან”-ის მიზანი, რომელიც 2018 წელს დაარსდა და უკვე საქართველოშიც ფუნქციონირებს.
მისი მთავარი და მნიშვნელოვანი პროგრამაა მენტალური არითმეტიკის სისტემის უნივერსალური კონცეფცია, რომელიც თბილისის, ბათუმის, ქუთაისის, თელავის, რუსთავისა და გურჯაანის გარკვეულ სკოლებშია დანერგილი.
როგორ ეხმარება პროგრამა 4-დან 14 წლამდე ასაკის მოსწავლეებს მათემატიკური და კოგნიტური უნარების განვითარებაში – ამ თემაზე ევრონიუს ჯორჯიას ეთერში UCMAS-ის ფრენჩაიზის მფლობელმა საქართველოში, საჰარ ჰარბმა ისაუბრა.
