„ქალები ვირჩევთ ევროპას“ – ამ სახელწოდებით თბილისსა და საქართველოს სხვადასხვა ქალაქში აქცია-მსვლელობა იმართება.
აქციის ორგანიზატორების მთავარი მოთხოვნაა, „უცხოური გავლენის გამჭვირვალობის შესახებ“ კანონპროექტის პარლამენტიდან გაწვევა.
გარდა ამისა, აქციის ორგანიზატორები ამბობენ, რომ „უცოხური გავლენის გამჭვირვალობის შესახებ“ კანონპროექტსა და გენდერული კვოტების გაუქმებას საერთო მიზანი აქვთ — ძალაუფლების შენარჩუნება, რაც მათი თქმით, კიდევ უფრო დიდ საფრთხეს უქმნის საქართველოში მცხოვრებ ყველა ქალს.
