შეერთებული შტატების საერთაშორისო განვითარების სააგენტომ განაცხადა, რომ ღაზის სექტორის ჩრდილოეთ ნაწილში ხალხი შიმშილობს. ორგანიზაციამ გამოაქვეყნა მარტის თვის მონაცემები, რომელთა მიხედვით, რეგიონში შიმშილის მეხუთე დონეა. ეს კი ნიშნავს, რომ ჩრდილოეთ ღაზის მოსახლეობის 70 პროცენტი, შიმშილის ზღვარზეა.
ისრაელი საერთაშორისო ზეწოლის გამო აღარ აფერხებს ღაზაში ჰუმანიტარული დახმარების შეტანას. გუშინ ისრაელის თავდაცვის ძალებმა განაცხადეს, რომ ახალი სახმელეთო გადასასვლელი ჩრდილოეთ ღაზაში მალე გაიხსნება.
Delays. Access restrictions. Shooting.
On Tuesday, UNICEF's humanitarian convoy was hit by live ammunition on the way to deliver life-saving aid to north Gaza.
Our staff are safe, but the immense difficulties of delivering aid are making it nearly impossible to meet children's… pic.twitter.com/dIIqKitVhn
— UNICEF (@UNICEF) April 11, 2024
ისრაელსა და ირანს შორის კი იზრდება დაძაბულობა.
შექმნილი ვითარების გამო შეერთებული შტატების ცენტრალური სარდლობის გენერალი ერიკ კურილა ისრაელში ჩავიდა. პრემიერ-მინისტრი ბენიამინ ნეთანიაჰუ აცხადებს, რომ ქვეყანა ახალი გამოწვევებისთვის ემზადება. ისრაელის თავდაცვის ძალებიც ამბობენ, რომ უკან არ დაიხევენ და ირანს შესაბამის პასუხს გასცემენ.
ისრაელის თავდაცვის ძალების სპიკერის დანიელ ჰაგარის თქმით, ირანის ტერიტორიიდან თავდასხმა იმის მტკიცებულება იქნება, რომ ირანი ახლო აღმოსავლეთში კონფლიქტის გაღვივებასა და ბრძოლაში ჩართვას ცდილობს. მისი განცხადებით, ბოლო რამდენიმე თვის განმავლობაში ისრაელმა გააუმჯობესა და განავითარა თავისი შესაძლებლობები, შესაბამისად, კარგად იციან, სად და როგორ უნდა იმოქმედონ.
თუმცა ისრაელის მთავრობის სამხედრო ძალისხმევას მხარს არ უჭერენ ულტრამემარჯვენე ორთოდოქსი ებრაელები, რომლებიც აპროტესტებენ მათ სამხედრო სამსახურში გაწვევას.
ისრაელის გენერალურმა პროკურორმა კი კაბინეტს აცნობა, რომ არ არსებობს არანაირი სამართლებრივი საფუძველი, რომ ეს ადამიანები სამხედრო სამსახურისგან გათავისუფლდნენ.
