უკრაინა გახდება ნატოს წევრი – ამის შესახებ შეერთებული შტატების სახელმწიფო მდივანმა ენტონი ბლინკენმა ბრიუსელში ნატოს სამიტზე თავის უკრაინელ კოლეგასთან, დმიტრო კულებასთან, შეხვედრის დროს განაცხადა.
ამავდროულად, ნატოს გენერალურმა მდივანმა იენს სტოლტენბერგმა კიდევ ერთხელ განმარტა, რომ ალიანსი კონფლიქტის უშუალო მონაწილედ არ მიიჩნევს თავს. მისი თქმით, მათ არ აქვთ არანაირი გეგმა, რომ უკრაინაში ნატოს მებრძოლები გაგზავნონ. ამასთან დაკავშირებით მოთხოვნაც არ ყოფილა.
Today marks 75 years since the founding of #NATO—the strongest & most successful alliance in history. Foreign Ministers met to address #Ukraine’s urgent & long-term needs; we must step up even more. We also discussed deepening cooperation with our Indo-Pacific partners. 🇦🇺🇯🇵🇳🇿🇰🇷 pic.twitter.com/VXGHnd9rjo
— Jens Stoltenberg (@jensstoltenberg) April 4, 2024
უკრაინელებს სჭირდებათ აღჭურვილობა, შეიარაღებისთვის შესაბამისი საბრძოლო მასალა, რომლებსაც ისინი აუცილებლად გადასცემენ. ნატოს გენერალური მდივანი დასძენს, რომ ისინი მხარს უჭერენ უკრაინის უფლებას, დაიცვას თავი.
გამთენიისას მორიგი აფეთქებების ხმა გაისმა ხარკივში.
ქალაქი წინა ღამითაც თავდასხმის სამიზნე იყო. რუსულ დრონებს ოთხი მოქალაქე ემსხვერპლა, რომელთაგან სამი სამაშველო სამსახურის თანამშრომელი იყო.
კიევში აცხადებენ, რომ რუსეთი იყენებს ე.წ. ორმაგი დარტყმის ტაქტიკას, რომელიც ერთსა და იმავე ადგილას დროის სხვადასხვა მონაკვეთში იერიშის მიტანას გულისხმობს.
