ლიეტუველი მოქალაქე, რომელიც ლიეტუვისა და ბელარუსის საზღვარზე დეკემბრის ბოლოს დააკავეს, ბელარუსის ციხეში გარდაიცვალა.
ლიეტუვის ხელისუფლებამ საკუთარი ქვეყნის მოქალაქის გარდაცვალების შესახებ ინფორმაცია მას შემდეგ მიიიღო, რაც ხელისუფლების წარმომადგენლებმა რამდენჯერმე მოითხოვეს დაკავებულ პატიმართან შეხვედრა.
The MFA of #Lithuania summoned the chargé d’affaires ad interim of the Embassy of #Belarus in Vilnius in strict protest over the detention of the Lithuanian citizen and the detainee’s death in prison, possibly without the necessary medical assistance.https://t.co/WKbPjhPkPN
— Asta Andrijauskienė (@AstaAndr) March 12, 2024
„არაერთი მოთხოვნა იყო, ბევრი წერილი და მიმართვა გაიგზავნა, თუმცა ჩვენ არ მოგვცეს პატიმართან შეხვედრის შესაძლებლობა. ამიტომ ჩვენ ბელარუსის ხელისუფლებას ნოტა გავუგზავნეთ. ამ შენიშვნის საპასუხოდ ჩვენ დაგვირეკეს ბელარუსის ინსტიტუტებიდან და გვითხრეს, რომ შეხვედრის ორგანიზება შეუძლებელია, რადგან ლიეტუვის მოქალაქე გარდაცვლილია“, – განაცხადა ლიეტუვის ელჩმა ბელარუსში, ასტა ანდრიაუსკიენემ.
ლიეტუვის მოქალაქის გარდაცვალების გამო აღშფოთებული ლიეტუვის ხელისუფლება ბელარუსი კოლეგებისგან ახსნა-განმარტებებს ითხოვს.
ლიეტუვის ელჩის განცხადებით, ბელარუსში სხვადასხვა მიზეზით ლიეტუვის ბევრი მოქალაქეა დაკავებული. ლიეტუვის ხელისუფლება მომხდარის შესახებ ინფორმაციას დაკავებულების ოჯახის წევრებისგან იღებს.
