პარასკევს, 1-ელ მარტს, კრემლის პროპაგანდისტმა მარგარიტა სიმონიანმა გერმანელ ოფიცრებს შორის 38-წუთიანი საუბრის აუდიოჩანაწერი Telegram-ზე გამოაქვეყნა. მოსმენილ პირებს შორის გერმანიის საჰაერო ძალების მეთაური, გენერალი ინგო გერჰარციც იყო.
Как и обещала, публикую аудио разговора офицеров бундесвера, обсуждающих, как они будут бомбить Крымский мост.
Продолжение тутhttps://t.co/ollzdW97uk
— Маргарита Симоньян (@M_Simonyan) March 1, 2024
აუდიოჩანაწერში გერმანელი ოფიცრები განიხილავენ, შეუძლია თუ არა შორ მანძილზე მოქმედი Taurus-ის ტიპის ფრთოსან რაკეტას ხიდის განადგურება, რაშიც ისინი, სავარაუდოდ, გულისხმობენ ქერჩის ხიდს, რომელიც უკრაინის თავდასხმის სამიზნე 2022 წლის თებერვალში, რუსეთის უკრაინაში შეჭრის შემდეგ, უკვე რამდენჯერმე გახდა. გერმანიის თავდაცვის სამინისტროს ცნობით, ჯერჯერობით არ შეუძლიათ თქვან, შეიტანეს თუ არა ცვლილებები გავრცელებულ ჩანაწერში ან ტრანსკრიპტში.
Das Bundesamt für den militärischen Abschirmdienst klärt den Vorfall zur abgehörten #Luftwaffen-Kommunikation lückenlos auf. Bis abschließende Ergebnisse vorliegen, gilt es besonders besonnen zu handeln, betonte Minister #Pistorius gestern gegenüber der Presse. #TaurusLeak pic.twitter.com/15VzZ2goO9
— Verteidigungsministerium (@BMVg_Bundeswehr) March 4, 2024
გერმანიის კანცლერი ოლაფ შოლცი ამ დრომდე თავს იკავებს უკრაინისთვის taurus-ის ტიპის ფრთოსანი რაკეტების გადაცემისგან. ამისთვის იგი სხვადასხვა მიზეზს ასახელებს. შოლცის თქმით, მარტივი არაა გადაწყვეტილების მიღება იმ იარაღზე, რომელიც 500 კილომეტრს აღწევს და თუ არასწორად გამოიყენებენ, მოსკოვში კონკრეტულ სამიზნეებსაც მისწვდება.
შოლცის თქმით, გერმანიამ უნდა იცოდეს, რა სამიზნეებზე მიიტანენ დარტყმებს ამ რაკეტებით.
