მოსკოვში დღეს ალექსეი ნავალნის დაკრძალავენ, თუმცა ჯერჯერობით უცნობია, მშვიდობიანად ჩაივლის თუ არა ცერემონია.
რუსული ხელისუფლება გამალებით მობილიზებულია. ეკლესიასთან ქუჩებს, სადაც სამგლოვიარო პროცესია უნდა გაიმართოს, პოლიციაა აკონტროლებს.
მიმდებარე უბნები კი რკინის ღობეებით არის გარშემორტყმული. ეკლესიის კარებზე გაკრულია განცხადებები, რომ ფოტოებისა და ვიდეოს გადაღება არ შეიძლება, ხოლო საკურთხევლის თავზე სათვალთვალო კამერაა დამონტაჟებული.
ვრცელდება ცნობები, რომ მოქალაქეებს აფრთხილებენ არ მივიდნენ დაკრძალვაზე.
მოსკოვის მკვიდრი გენადი ამბობს, რომ დაკრძალვაზე მისვლის ეშინია.
ეკლესია, სადაც ნავალნის პანაშვიდი იმართება მარინოს მუნიციპალიტეტში მდებარეობს. ქუჩაზე, სადაც ალექსეი ნავალნი ცხოვრობდა.
სასაფლაო კი ოდნავ მოშორებითაა, მდინარე მოსკოვის გაღმა ნაპირას.
ცხედრის სასაფლაოსკენ გადასვენებაც ნავალნის ახლობლებისთვის პრობლემად იქცა – ნავალნის თანამებრძოლები ამბობენ, რომ ჯერჯერობით არ უპოვიათ სპეციალური ჩასასვენებელი ტრანსპორტის, რადგან სარიტუალო სახლები უარს აცხადებენ მომსახურების გაწევაზე. იგივე ვითარებაა დასასვენებელ დარბაზთან დაკავშირებითაც.
