ირანში საპარლამენტო არჩევნების ჩასატარებლად ემზადებიან, თუმცა ანალიტიკოსების შეფასებით, მოსალოდნელია დაბალი აქტივობა.
ირანელები იმედგაცრუებულები არიან იმით, რომ ხელისუფლება ვერ აგვარებს ირანელებისთვის მნიშვნელოვან პრობლემებს.
ოფიციალური მონაცემებით, ირანში ინფლაციის მაჩვენებელი 50%-ს უახლოვდება. ძირითადი პროდუქტები, განსაკუთრებით საკვები ფასების მკვეთრად მატულობს.
„არჩევნების იგნორირება არის შედეგი იმისა, რომ უიმედობაა მთელი სისტემის მიმართ. სანამ ხელისუფლების მხრიდან გადაწყვეტილება არ მიიღება და პრობლემების გადაჭრის სურვილი არ გამოჩნდება, ვფიქრობ, ბევრი ადამიანი საარჩევნო უბნებზე არ გამოცხადდება”, – ამბობს პოლიტიკის ანალიტიკოსმა აჰმად ზეიდაბადიმ.
15000-ზე მეტი კანდიდატი, მათ შორის ქალების მცირე ჯგუფი, 290-კაციან პარლამენტში ადგილის დასაკავებლად იბრძვის.
არჩევნები 1 მარტს გაიმართება და აბსოლუტური ძალაუფლება ქვეყანაში მის უზენაეს ლიდერს, აიათოლა ალი ხამენეის ეკუთვნის.
ჰიჯაბის კანონების აღსრულების გამო 2022 წლის საპროტესტო აქციების მკაცრმა ჩახშობამ კიდევ უფრო გაამწვავა შიდა უთანხმოება.
