საფრანგეთის პრეზიდენტი ემანუელ მაკრონი არ გამორიცხავს, მომავალში უკრაინაში დასავლეთის ძალების განლაგებას – ეს საკითხი პარიზში, 20-ზე მეტი ევროპელი ლიდერის შეხვედრის დროს განიხილებოდა.
მიზანი ისაა, რომ სრულმასშტაბიანი ინტერვენციის მესამე წელს, რუსეთს გაუგზავნოს სიგნალი, რომ კიევისადმი მხარდაჭერა ურყევია.
უკრაინის პრეზიდენტმა ვოლოდიმირ ზელენესკიმ ვიდეო მიმართვა ჩაწერა პარიზში მყოფი ლიდერებისთვის და მოუწოდა მათ, უზრუნველყონ, რომ პუტინმა ვერ მიაღწიოს საკუთარ მიზნებს, რათა მისი აგრესია სხვა ქვეყნებშიც არ გავრცელდეს.
რამდენიმე ლიდერმა, უკრაინისთვის ევროკავშირის გარეთ საბრძოლო მასალის შესყიდვას დაუჭირა მხარი, მათ შორის ნიდერლანდების პრემიერ-მინისტრმა მარკ რუტემ.
Vandaag staan we stil bij het feit dat twee jaar geleden de grootschalige Russische invasie van Oekraïne begon.
Twee ongelooflijk moeilijke jaren, die vele Oekraïense mensenlevens kost. Maar ook twee jaar waarin Oekraïne overeind blijft staan en successen boekt.
Dit is niet… pic.twitter.com/3DOTwIqxcA
— Mark Rutte (@MinPres) February 24, 2024
ნიდერლანდების პრემიერ-მინისტრი მარკ რუტე ამბობს, რომ ეს ჩეხეთის ინიციატივაა, რომ გააძლიერონ მუშაობა კონკრეტულად ამ მიმართულებით, თუმცა იგი დასძენს, რომ ასევე უნდა იმუშაონ საჰაერო თავდაცვის სისტემებზე.
მარკ რუტეს განცხადებით, უკრაინას სასწრაფოდ სჭირდება არა მარტო დამატებითი რაკეტები, არამედ დამატებითი სისტემები, იქნება ეს S-200, S-300, პატრიოტი თუ სხვა.
საფრანგეთის პრეზიდენტი ემანუელ მაკრონი ამბობს, რომ პარიზში გამართულ შეხვედრაზე ყველაფერი ძალიან ღიად და პირდაპირ განიხილებოდა.
We are talking about our support for Ukraine and our collective security.
A collective leap is necessary from all of us. pic.twitter.com/NViI9ntaVY
— Emmanuel Macron (@EmmanuelMacron) February 26, 2024
მისი განცხადებით, დღეს არ არსებობს ოფიციალური და დამტკიცებული კონსენსუსი ჯარების ადგილზე გაგზავნაზე, მაგრამ დინამიკის თვალსაზრისით არაფერია გამორიცხული. საფრანგეთის პრეზიდენტი ამბობს, რომ ისინი ყველაფერს გააკეთებენ, რათა უზრუნველყონ, რომ რუსეთმა ვერ გაიმარჯვოს ამ ომში.
პარიზის კონფერენცია მოსდევს საფრანგეთის, გერმანიის და დიდი ბრიტანეთის მიერ გაფორმებულ 10-წლიან ორმხრივ შეთანხმებას უკრაინასთან, რათა რუსეთისთვის მკაფიო იყოს, რომ დასავლეთი უკრაინის გრძელვადიან მხარდაჭერას გააგრძელებს.
