მთავარიკუბიუკრაინაში ამბობენ, რომ რუსი სამხედროები “სტარლინკის” ტერმინალებს იყენებენ

უკრაინაში ამბობენ, რომ რუსი სამხედროები “სტარლინკის” ტერმინალებს იყენებენ

რუსული ძალები უკრაინის ოკუპირებულ ტერიტორიებზე თანამგზავრული ინტერნეტისთვის ილონ მასკის კომპანია SpaceX-ის მიერ წარმოებულ Starlink-ის ტერმინალებს იყენებს.

უკრაინის სადაზვერვო სამმართველოს სპიკერ ანდრიი იუსოვის განცხადებით, რუსი ოკუპანტების მხრიდან მოწყობილობის გამოყენების შემთხვევები სისტემურ ხასიათს იღებს.

სააგენტოს ინფორმაციით, ტერმინალებს იყენებდნენ ისეთი ქვედანაყოფები, როგორიცაა, მაგალითად, რუსეთის 83-ე საჰაერო შეტევის ბრიგადა. მათ მიერ Starlink-ის მოწყობილობები გამოიყენებოდა დონეცკის ნაწილობრივ ოკუპირებულ აღმოსავლეთ რეგიონში, ქალაქების კლიშჩიივკისა და ანდრიივკის მახლობლად.

ეს პირველი ოფიციალური განცხადებაა, რომელიც უკრაინის მხრიდან რუსეთის მიერ Starlink-ის სავარაუდო გამოყენების შესახებ გავრცელდა.

უახლესი

სხვა ამბები

spot_imgspot_img
Send this to a friend