გაეროს გენერალური მდივნის ანტონიუ გუტერეშის თქმით, ღაზის მოსახლეობის ნახევარი ქალაქ რაფაჰს აფარებს თავს.
Half of Gaza’s population is now crammed into Rafah with nowhere to go.
Reports that the Israeli military intends to focus next on Rafah are alarming.
Such an action would exponentially increase what is already a humanitarian nightmare with untold regional consequences.
— António Guterres (@antonioguterres) February 8, 2024
Associated Press-ის ცნობით, ქალაქში ახლა 1.5 მილიონი ადამიანია, რაც ღაზის მოსახლეობის სამ მეოთხედს წარმოადგენს.
გუშინ ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ამ ქალაქშიც დაიწყება სამხედრო ოპერაცია.
რაფაჰი, რომელიც ეგვიპტეს ესაზღვრება, მანამდე ისრაელმა უსაფრთხო ზონად გამოაცხადა, ახლა კი ჰუმანიტარული ორგანიზაციების წარმომადგენლები ისრაელს პირობის დარღვევაში ადანაშაულებენ.
"Enormous concern, fear in Rafah in the last 48 hours – we've seen some very heavy airstrikes"@TomWhiteGaza tells @AJEnglish there is huge concern of an offensive in Rafah southern📍#Gaza – where the population is now 6 times more than before the war & one Gaza's poorest areas. pic.twitter.com/owAYb92mb5
— UNRWA (@UNRWA) February 8, 2024
გაეროს ადამიანის უფლებათა უმაღლესი კომისარი ფოლკერ ტიურკი ამბობს, რომ საკუთრების ფართო განადგურება, რაც არ არის გამართლებული სამხედრო აუცილებლობით და განხორციელებულია უკანონოდ და განზრახ, ჟენევის მეოთხე კონვენციის სერიოზული დარღვევა და ომის დანაშაულია. მისი თქმით, ისრაელს არ წარმოუდგენია სამოქალაქო ინფრასტრუქტურის ასეთი მასშტაბური განადგურების მკაფიო მიზეზები.
შეერთებულ შტატებშიც აცხადებენ, რომ მხარს არ დაუჭერენ ისრაელის სამხედრო ოპერაციას რაფაჰში.
ამავდროულად, „ჰამასის“ დელეგაცია გუშინ ეგვიპტეში გაემგზავრა. მათ უნდა განიხილონ ცეცხლის შეწყვეტასთან დაკავშირებული შეთავაზება, რომელიც, ენტონი ბლინკენის ძალისხმევის მიუხედავად, ნეთანიაჰუმ არ გაიზიარა.
