გენერალი ზალუჟნი ბახმუტის დაცვის ბრძოლებთან დაკავშირებულმა ოლეკსანდრ სირსკიმ შეცვალა.
ვინაა გენერალი სირსკი და რატომ ეძახიან მას “ყასაბს” ბახმუტიდან…
Colonel General Oleksandr Syrskyi is the new Commander-in-Chief of the Armed Forces of Ukraine.
It is a great honor and a great responsibility to lead the Armed Forces of Ukraine!
We have only one task: the Victory of Ukraine! pic.twitter.com/JsVHxmmskv
— Rustem Umerov (@rustem_umerov) February 8, 2024
მეორე ბახმუტად დასახელებული ავდიივკის სრული დაკავებისთვის რუსეთის საოკუპაციო არმია შეტევებს არ აჩერებს. სწორედ ავდიივკისა და ბახმუტის ბრძოლებთანაა დაკავშირებული ორი უკრაინელი გენერლის – სირსისა და ზალუჟნის სახელები…
უკრაინის შეიარაღებული ძალების უკვე ყოფილმა მთავარსარდალმა ვალერი ზალუჟნიმ ავდიივკაში რუსული იერიშების გააქტიურების ფონზე ჯერ კიდე გასული წლის დეკემბერში განაცხადა, რომ რუსეთი ეცდება ახალი ბახმუტი შექმნას ავდიივკის ფლანგზე.
ზალუჟნი თვლიდა, რომ ამ შემთხვევაში მთავარი იყო სამხედროების სიცოცხლის შენარჩუნება. საერთაშორისო მედიის ცნობით, ზალუჟნის დაძაბული ურთიერთობა ჰქონდა დასავლეთთან, რაც სწორედ უკრაინის არმიის კონტრიერიშს უკავშირდებოდა. იყო მოლოდინი, რომ უკრაინული არმიის კონტრშეტევა იქნებოდა უფრო ეფექტიანი და ძლიერი. თუმცა ეს ასე არ მოხდა. მართალია, უკრაინულმა არმიამ ფრონტის გარკვეულ მონაკვეთებზე გაარღვია რუსული წინააღმდეგობა, მაგრამ ტემპი არ იყო მოსალოდნელის მსგავსი. სამხედრო ბლოგებზე გავრცელებული ინფორმაციით, სწორედ წარუმატებელი კონტრიერიშის გამო დაიწყო უთანხმოება პრეზიდენტსა და შეიარაღებული ძალების მთავარსარდალ გენერალ ზალუჟნის შორის.
Today, we bestow state honors and the title of Hero of Ukraine on the warriors who, along with all those who have fought for our country and Ukrainian life, shape Ukraine’s future.
Ukraine has already successfully halted Russia’s advance. Ukraine has learned to defend itself… pic.twitter.com/ZHVdurVZIE
— Volodymyr Zelenskyy / Володимир Зеленський (@ZelenskyyUa) February 9, 2024
როგორც საერთაშორისო მედია წერს, ზალუჟნი შეიარაღებულ ძალებში მისი ავტორიტეტის გამო ვოლოდიმირ ზელენსკის კონკურენტადაც მოიაზრებოდა. თუმცა როგორც უკრაინის პრეზიდენტის აპარატის უფროსის მრჩეველი მიხაილო პოდოლიაკი აცხადებს, ზელენსკის მიზანს სამხედრო ხელმძღვანელობის სისტემური განახლება წარმოადგენდა, რათა ფრონტზე უკრაინული იერიშების სტაგნაცია შეჩერდეს. ვალერი ზალუჟნი უკრაინის შეიარაღებული ძალების მთავარსარდლის მოვალეობას 2021 წლის ივლისიდან ასრულებდა….
“ყასაბი” ბახმუტიდან – ასე მოიხსენიებდნენ გენერალ სირსკის მისი ოპონენტები სწორედ მკაცრი და სასტიკი დამოკიდებულების გამო, რის შედეგადაც რუს ოკუპანტებს დიდი ძალისხმევის ხარჯზე მოუწიათ ქალაქ ბახმუტის აღება. თუმცა დიდი იყო მსხვერპლი უკრაინულ არმიაშიც.
გენერალ-პოლკოვნიკი სირსკი ახლა უკრაინის შეიარაღებულ ძალებს ჩაუდგა სათავეში. უკრაინის პრეზიდენტის მხრიდან ამ საკადრო ცვლილებას საერთაშორისო მედიის ცნობით, არაერთგვაროვანი დამოკიდებულება მოჰყვა უკრაინის არმიაში.
გენერალ-პოლკოვნიკი სირსკის სახელი ასევე კიევის თავდაცვის ოპერაციებს უკავშირდება. მისი სახელია დაკავშირებული ხარკივის წარმატებულ კონტრშეტევასთან. როგორც სხვადასხვა სამხედრო ბლოგზე წერენ, სირსკი რიგით უკრაინელ სამხედროებში დიდი ავტორიტეტით არ სარგებლობს. მას თვლიან საბჭოთა ყაიდის გენერლად, რომელიც სამხედრო მიზნის მისაღწევად ყველა მეთოდს იყენებს.
გენერალი სირსკი ახალ თანამდებობამდე უკრაინის სახმელეთო ძალებს მეთაურობდა, 2022 წელს მას უკრაინის გმირის წოდებაც მიანიჭეს.
უკრაინის პრეზიდენტმა ვოლოდიმირ ზელენსკიმ კი ასე დაახასიათა გენერალ-პოლკოვნიკი სირსკი: „ესაა ყველაზე გამოცდილი სამხედრო მეთაური…“
