ISET-ის კვლევითმა ინსტიტუტმა და USAID-ის ეკონომიკური მმართველობის პროგრამამ პროექტ „რეფორმეტრის“ ფარგლებში წყლის რესურსების მართვის რეფორმის პროგრესი შეაფასა.
„წყლის რესურსების მართვის შესახებ“ კანონი საქართველოს პარლამენტმა 2023 წლის 30 ივნისს მიიღო და ის წყლის რესურსების მართვის ახალი ჩარჩო დოკუმენტი გახდა. კანონით განსაზღვრულია სააუზო მართვის სისტემის ჩამოყალიბება და წყლის მოხმარების ეკონომიკური ინსტრუმენტების შემოღება.
ამ თემაზე ევრონიუს ჯორჯიას ეთერში ISET-ის კვლევითი ინსტიტუტის წამყვანმა ეკონომისტმა, გიორგი პაპავამ და USAID-ის ეკონომიკური მმართველობის პროგრამის მრჩეველმა ბუნებრივი რესურსების მართვის საკითხებში, მარიამ ბახტაძემ ისაუბრეს.
