ირანის ისლამური რესპუბლიკის პრეზიდენტი ამერიკის შეერთებული შტატების საგარეო პოლიტიკაზე საუბრობს. ებრაჰიმ რაისის განცხადებით, ვაშინგტონი მიჩვეულია სხვა სახელმწიფოების იძულებას მუქარის გზით. ის ამბობს, რომ ირანთან დაკავშირებით ვაშინგტონში ამჟამად ტონი შეცვლილი აქვთ. ებრაჰიმ რაისის განცხადებით, ვაშინგტონის მიერ ნებისმიერ თავდასხმას თეირანი შესაბამის პასუხს გასცემს.
„ამერიკის შეერთებული შტატები სხვა სახელმწიფოებთან მუქარის ენით საუბარს არის მიჩვეული. ისინი მუდამ აცხადებენ, რომ სამხედრო გზით შეუძლიათ პრობლემის გადაჭრა, ახლა კი სხვა რამ გვესმის – მათ ისიც კი თქვეს, რომ ირანთან ომი არ სურთ. ომის დაწყება არც ჩვენ გვსურს, მაგრამ ნებისმიერ თავდასხმას შესაბამის პასუხს გავცემთ”, – აცხადებს ებრაჰიმ რაისი, ირანის ისლამური რესპუბლიკის პრეზიდენტი.

ვითარება ირანის ისლამურ რესპუბლიკასა და ამერიკის შეერთებულ შტატებს შორის განსაკუთრებით დაიძაბა იორდანიისა და სირიის სახელმწიფო საზღვრის სიახლოვეს მდებარე სამხედრო ბაზაზე სამი ამერიკელი ჯარისკაცის დაღუპვის შემდეგ. ვაშინგტონში მომხდარში ბრალს თეირანის მიერ მხარდაჭერილ ორგანიზაციებს სდებენ.
Today, I was briefed by members of my national security team in the Situation Room on the latest developments regarding the attack on U.S. service members in northeastern Jordan.
As I’ve said, we’ll hold all those responsible to account at a time and in a manner of our choosing. pic.twitter.com/pLScFuXjk2
— President Biden (@POTUS) January 29, 2024