რუსეთმა და უკრაინამ კვლავ გაცვალეს ტყვეები. უკრაინის სახალხო დამცველის ინფორმაციით, ეს უკვე ტყვეთა გაცვლის 50-ე რაუნდია.
კიევის ცნობით, გათავისუფლებულ უკრაინელებს შორის არიან მარიუპოლის მცველები, ასევე სამხედრო მოსამსახურეები, რომლებიც კუნძულ ზმეინიზე იმყოფებოდნენ. არიან ასევე ჯარისკაცები, რომლებიც იბრძოდნენ დონეცკის, ზაპარიჟიის, ლუჰანსკის, სუმის, ხარკივისა და ხერსონის მიმართულებებზე.
ვოლოდიმირ ზელენსკის ცნობით, უკრაინაში დაბრუნდა 207 ადამიანი. რუსეთის თავდაცვის სამინისტროში კი 195 გათავისუფლებული სამხედროს შესახებ იუწყებიან და აცხადებენ, რომ კიევსაც ზუსტად 195 ტყვე გადასცეს.
Ours🇺🇦 pic.twitter.com/YsvfZEdMYn
— Volodymyr Zelenskyy / Володимир Зеленський (@ZelenskyyUa) January 31, 2024
“კარგი ამბავი მაქვს, სწორედ ისეთი, რომელსაც მოსახლეობა დიდი ხანია ელის. დღეს კიდევ 207 უკრაინელი ტყვე დავიბრუნეთ, 180 რიგითი და სერჟანტი, ასევე 27 ოფიცერი. მათ ნახევარზე მეტი მარიუპოლის ბრძოლის ვეტერანია, არმიის, გვარდიისა და სასაზღვრო ძალების ჯარისკაცები. ეს ადამიანები ოჯახებსა და მშობლიურ სახლებს დაუბრუნდებიან. მიხარია, რომ ეს შესაძლებელი გახდა, ტყვეთა გაცვლის უკვე 50 რაუნდი შედგა და საერთო ჯამში ჩვენ 3 ათასზე მეტი გმირი დავაბრუნეთ ოჯახებში”, – განაცხადა უკრაინის პრეზიდენტმა ვოლოდიმირ ზელენსკიმ.
ტყვეთა გაცვლას წინ უძღოდა ინციდენტი, როდესაც რუსული საჰაერო სატრანსპორტო ხომალდი “ილ 76” ბელგოროდის ოლქში ჩამოვარდა. კრემლში ამტკიცებენ, რომ საჰაერო ხომალდი უკრაინის არმიამ ჩამოაგდო, კიევში კი ამ ბრალდებას უარყოფენ.
A Russian IL-76 strategic airlifter crashed in Belgorod, according to Russian media.
Footage uploaded to Telegram shows the aircraft flying at low altitude before hitting the ground and exploding in a huge fireball. pic.twitter.com/WW5wNsCrFx
— Jimmy Rushton (@JimmySecUK) January 24, 2024
რუსული წყაროების თანახმად, ჩამოგდებულ თვითმფრინავში 65 უკრაინელი ტყვე იმყოფებოდა რამდენიმე რუს ჯარისკაცთან ერთად. ავიაკატასტროფის შედეგად ყველა დაიღუპა.
The Investigative Committee of the Russian Federation published a video allegedly of Ukrainian prisoners of war boarding an Il-76 plane that crashed in the Belgorod region.#Ukraine️ #UkraineRussiaWar #Russia pic.twitter.com/mNDwVf8c9F
— Ulfh3dnar (@Ulfh3dnar_) January 26, 2024
