ნატოს გენერალური მდივანი იენს სტოლტენბერგი ვაშინგტონში ამერიკის შეერთებული შტატების სახელმწიფო და თავდაცვის დეპარტამენტების მდივნებს შეხვდა. ალიანსმა კერძო სამხედრო კომპანიებთან გააფორმა ხელშეკრულება, რომლის თანახმადაც ნატო 220 ათას 155-მილიმეტრიან ჭურვს შეიძენს, მათი ნაწილი უკრაინასაც გადაეცემა. გრძელდება რამშტაინის ფორმატში შეხვედრებიც, რომლებიც უკრაინისთვის დემოკრატიული დასავლეთის მიერ სამხედრო დახმარების უკეთ კოორდინაციას ემსახურება.
Today, I hosted NATO Secretary General Jens Stoltenberg at the Pentagon. We discussed continued Alliance support to Ukraine, ramping up defense production, and the situation in the Middle East, as well as Alliance priorities before the 75th Anniversary NATO Summit in DC, in…
— Secretary of Defense Lloyd J. Austin III (@SecDef) January 29, 2024
“ჩვენი სახელმწიფოს მიერ უკრაინისთვის გაწეული სამხედრო დახმარება უპრეცედენტოა, საუბარი 75 მილიარდ ამერიკულ დოლარზე მეტს ეხება, ნატოს წევრი სხვა სახელმწიფოების მიერ გაწეული დახმარების ჩათვლით კი მოცულობა 110 მილიარდი ამერიკული დოლარია, ეს გულისხმობს როგორც სამხედრო, ასევე ეკონომიკურ დახმარებას. ჩვენ მიერ უკრაინისთვის გაწეული დახმარება სამაგალითოა, ამავე დროს აუცილებელია, რომ უკრაინისთვის ამ დახმარების მიწოდება არ შეწყდეს და კონგრესში ამ საკითხთან დაკავშირებით შეთანხმება შედგეს”, – განაცხადა ენტონი ბლინკენი, აშშ-ის სახელმწიფო დეპარტამენტის მდივანი.
Secretary General @jensstoltenberg is in the 🇺🇸 United States to discuss maintaining strong support for Ukraine and preparations for NATO’s 75th anniversary #NATOSummit in Washington.
Tap the images below to learn more about his meetings with @SecBlinken and @SecDef 🤝
— NATO (@NATO) January 30, 2024
უკრაინაში რუსული ინტერვენციის დაწყების შემდეგ ვაშინგტონმა კიევს 75 მილიარდ ამერიკულ დოლარზე მეტი მოცულობის სამხედრო დახმარება გაუწია, სხვა სახელმწიფოების მიერ გაწეული დახმარების გათვალისწინებით კი ეს თანხა 110 მილიარდ ამერიკულ დოლარს აჭარბებს.
“ვაშინგტონმა თავდაცვის ბიუჯეტის მხოლოდ მცირე ნაწილის უკრაინისათვის გადაცემით რუსეთის ფედერაციის სამხედრო შესაძლებლობების დიდი ნაწილი მოსპო და ამას არცერთი ამერიკელი ჯარისკაცის სიცოცხლე არ შეეწირა. მივესალმები პრეზიდენტ ბაიდენის მიერ უკრაინისათვის სამხედრო დახმარების გაწევის თვალსაზრისით ურყევ პოზიციას. მოლაპარაკების მაგიდასთან მიღწეულ პროგრესს პირდაპირი კავშირი აქვს ბრძოლის ველთან მიღწეულ წინსვლასთან, ასე რომ უკრაინას მეტი შეიარაღება და ტყვია-წამალი უნდა მივაწოდოთ”, – განაცხადა იენს სტოლტენბერგმა, ნატოს გენერალურმა მდივანმა.
