თბილისში ციფრული დასაქმებისა და პიროვნული და პროფესიული განვითარების თანამედროვე პლატფორმის პრეზენტაცია გაიმართა, რომლის მიზანი ქვეყანაში დასაქმების პრობლემის გადაწყვეტაა. შეხვედრას სამთავრობო, ბიზნეს და კერძო სექტორის წარმომადგენლები ესწრებოდნენ.
პლატფორმა ინსტიტუციური და შესაძლებლობების განვითარების ცენტრის, USAID ეკონომიკური უსაფრთხოების პროგრამისა და ტექნოლოგიური სფეროდან ბიზნეს კომპანიების თანადაფინანსებითა და აქტიური თანამშრომლობით შეიქმნა.
რა გზებით მოხდება ტალანტების მოზიდვა და როგორ შეუწყობს ხელს ეს პლატფორმა ქვეყანაში დასაქმების პრობლემის მოგვარებას – ამ თემაზე ევრონიუს ჯორჯიას ეთერში ინსტიტუციური და შესაძლებლობების განვითარების ცენტრის სამეთვალყურეო საბჭოს თავმჯდომარემ, სერგო ნოზაძემ ისაუბრა.
