თბილისის ცენტრში, კეკელიძის ბინიდან ოჯახის გამოსახლების დროს, დაკავებულ გიორგი ხასაიასა და კაკო ჩიქობავას საქალაქო სასამართლომ აღკვეთის ღონისძიებად პატიმრობა შეუფარდა.
მოსამართლე დავით კურტანიძემ გაიზიარა პროკურატურის შუამდგომლობა და ეს გადაწყვეტილება გამოაცხადა, რასაც ხმაური მოჰყვა თბილისის საქალაქო სასამართლოში, სადაც დაკავებულების მხარდასაჭერად მოქალაქეები იყვნენ მისულები.
მოძრაობა “ხმის” წევრებს, გიორგი ხასაიასა და კაკო ჩიქობავას, პროკურატურა აღსრულების ეროვნული ბიუროს ავტომობილის დაზიანებას ედავება და მათ 3-იდან 6 წლამდე პატიმრობა ემუქრებათ.
