კვირას ისრაელმა ავიაიერიში მიიტანა ლიბანზე, რასაც „ჰეზბოლას“ ერთ-ერთი მებრძოლი ემსხვერპლა. დაიჭრა რამდენიმე მშვიდობიანი მოქალაქე.
ბოლო ინფორმაციით, ბენიამინ ნეთანიაჰუ არ დაეთანხმა „ჰამასის“ მორიგ შეთავაზებას ზავთან დაკავშირებით.
ההתעקשות שלי היא שמנעה במשך שנים הקמת מדינה פלסטינית שהייתה מהווה סכנה קיומית לישראל.
כל עוד אני ראש הממשלה אמשיך לעמוד עליה בתקיפות. pic.twitter.com/mWSMMNZb6G
— Benjamin Netanyahu – בנימין נתניהו (@netanyahu) January 21, 2024
„ჰამასი“ მძევლების გათავისუფლების სანაცვლოდ ითხოვს ომის დასრულებას, ისრაელის ძალების გაყვანას ღაზიდან, ნუხბას ქვედანაყოფის ყველა მკვლელისა და მოძალადის გათავისუფლებასა და „ჰამასის“ ხელუხლებლად დატოვებას.
ნეთანიაჰუს აზრით, ამ შეთავაზების მიღებით ისინი ომამდელ სტატუს-კვოს დაუბრუნდებიან, ვეღარ უზრუნველყოფენ მოსახლეობის უსაფრთხოებას და ვერ დააბრუნებენ ევაკუირებულ მოქალაქეებს სახლებში.
მეომრების თავგანწირული ბრძოლაც ამაოდ ჩაითვლება. 7 ოქტომბერი კი მხოლოდ დროის საკითხი იქნება.
ნეთანიაჰუს განცხადებით, მხოლოდ სრული გამარჯვება უზრუნველყოფს „ჰამასის“ განადგურებასა და ყველა მძევლის გათავისუფლებას.
გატაცებულების ახლობლები კი ოჯახის წევრების დასაბრუნებლად ნეთანიაჰუსა და მთავრობას ქმედითი ნაბიჯებისკენ მოუწოდებენ.
ამასთანავე, ისრაელის ძალებმა დასავლეთ სანაპიროზე ტერორიზმში ეჭვმიტანილთა ოჯახების სახლები დაანგრიეს.
გასულ კვირას ისრაელმა ავიაიერიში განახორციელა ლიბანში, რის შედეგადაც დაიღუპა „ჰეზბოლას“ ერთ-ერთი წარმომადგენელი. როგორც ლიბანის მედია აცხადებს, თავდასხმის დროს დაშავდა რამდენიმე მშვიდობიანი მოქალაქე.
