„ციფრულ სიძულვილთან ბრძოლის ცენტრის“ მკვლევართა გუნდმა ახალი ანგარიში გამოაქვეყნა, სადაც კლიმატის ცვლილებასთან დაკავშირებულ არაერთ დეზინფორმაციაზეა საუბარი. მკვლევრებმა “იუტუბზე” ბოლო ექვსი წლის განმავლობაში გამოქვეყნებული მასალები გაანალიზეს და აღმოაჩინეს, რომ თუ ადრე კლიმატის ცვლილებას უარყოფდნენ იმ არგუმენტებით, რომ გლობალური დათბობა სინამდვილეში არ ხდება და რომ ეს წიაღისეული საწვავის წვით არ არის გამოწვეული, ახლა სხვა მეთოდებს იყენებენ იმისთვის, რომ კლიმატის ცვლილებასთან დაკავშირებით საზოგადოება შეცდომაში შეიყვანონ.
რამდენიმე დღის წინ “რესპუბლიკური პარტიის” წევრმა ლორენ ბობერთმა პლატფორმა X-ზე გამოაქვეყნა პოსტი, სადაც კლიმატის აქტივისტები გააკრიტიკა. მისი თქმით, ერთგვარი ირონიაა ის, რომ კლიმატის აქტივისტები თოვლსა და -30 გრადუს ყინვაში გლობალურ დათბობაზე საუბრობენ.
