რამდენიმე დღის წინ გამოქვეყნდა ათობით დალუქული სასამართლო დოკუმენტი, რომლებიც ცნობილ ფინანსისტ ჯეფრი ეფშტეინთან არის დაკავშირებული. ჯეფრი ეფშტეინი არასრულწლოვანთა სექსუალური ტრეფიკინგის ბრალდებით 2019 წელს დააკავეს. სასამართლო პროცესის მოლოდინში ციხეში მან თავი მოიკლა.
სოციალურ ქსელში სასამართლო დოკუმენტებს ჯეფრი ეფშტეინის “კლიენტთა სიის“ სახელით მოიხსენიებენ და ამბობენ, რომ ამ სიაში მყოფი ადამიანები ჯეფრი ეფშტეინის კუნძულზე იმყოფებოდნენ და მასთან ერთად არასრულწლოვანი ქალების ტრეფიკინგსა და სექსუალურ ძალადობაში მონაწილეობდნენ.
