ისრაელის არმია ღაზის სექტორზე საჰაერო შეტევას აგრძელებს. ისრაელის თავდაცვის ძალების განცხადებით, ღაზაში განადგურებულია 100-ზე მეტი ობიექტი, გვირაბის შახტები, ინფრასტრუქტურა და სამხედრო ადგილები, რომლებსაც “ჰამასი” ტერორისტული მიზნებისთვის იყენებდა ისრაელის წინააღმდეგ.
თუმცა ღაზის სექტორი ერთადერთი ადგილი არაა, სადაც ისრაელის თავდაცვის ძალებს უწევთ სამხედრო ოპერაციების ჩატარება. ქვეყნის თავდაცვის მინისტრი ამბობს, რომ ახლა ისრაელი 7 მიმართულებით იბრძვის.
„თავს შვიდი მიმართულებიდან გვესხმიან: ღაზიდან, ლიბანიდან, სირიიდან, იუდეიდან და სამარიიდან, ერაყიდან, იემენიდან და ირანიდან. ყველა ამ თავდასხმას ჩვენ პასუხი გავეცით და მინდა კიდევ ერთხელ ვთქვა, ყველა, ვინც ჩვენ წინააღმდეგ წავა, ჩვენი პოტენციური სამიზნეა. არავითარი იმუნიტეტი არ არსებობს“, – განაცხადა ისრაელის თავდაცვის მინისტრმა იოავ გალანტმა.
Hezbollah attacked the St. Mary’s Greek-Orthodox Church of Iqrit in northern Israel.
An anti-tank missile from Lebanon directly hit the church, injuring a civilian.
This attack is not only a clear violation of @UN Security Council Resolution 1701, but also a violation of the…
— Israel Defense Forces (@IDF) December 26, 2023
თუმცა ისრაელის თავდასხმას თან ახლავს ძალიან დიდი მსხვერპლი ღაზის სექტორში. ორშაბათს, 25 დეკემბერს, ეგვიპტის საზღვართან დაბომბვას ლტოლვილთა ბანაკში რამდენიმე მშვიდობიანი მოქალაქის სიცოცხლე ემსხვერპლა, მათ შორის იყო 14 წლის ბავშვიც.
მთლიანობაში კი ღაზაში გარდაცვლილთა რაოდენობა 20 000-ს აღემატება.
We are gravely concerned about the continued bombardment of #Gaza by Israeli forces, which has reportedly claimed over 100 Palestinian lives since Christmas Eve. Israeli forces must take all measures available to protect civilians.
— UN Human Rights (@UNHumanRights) December 26, 2023
საერთაშორისო საზოგადოება მოუწოდებს ისრაელს, შეამსუბუქოს ღაზის სექტორზე თავდასხმის ინტენსივობა, თუმცა სამშაბათს ქვეყნის პრემიერ-მინისტრმა ბენიამინ ნეთანიაჰუმ განაცხადა, რომ ომი არ დასრულდება მანამ, სანამ “ჰამასი” სრულად არ განადგურდება.
