საქართველოში პროექტი „მწვანე დღის წესრიგი“ დაიწყო. სამწლიანი ინიციატივა მიზნად ისახავს ქვეყნის კლიმატნეიტრალურობისკენ მიმართვას და მის შესაბამისობაში მოყვანას ევროკავშირის მწვანე შეთანხმების პრინციპებთან. პროექტი სტოკჰოლმის გარემოს დაცვის ინსტიტუტისა და საქართველოს მთავრობის ერთობლივ ინიციატივას წარმოადგენს.
ევრონიუს ჯორჯიას ეთერში საქართველოში პროექტის კოორდინატორმა გიორგი მუხიგულიშვილმა და გარემოს დაცვის სამინისტროს საერთაშორისო ურთიერთობების დეპარტამენტის უფროსმა ლაშა ინაურმა ისაუბრეს.
