ბოლო ცნობებით, „ჰამასის“ მიერ შვიდ ოქტომბერს განხორციელებული თავდასხმის საპასუხოდ ისრაელის მიერ ღაზის სექტორის დაბომბვას 20 000-ამდე პალესტინელი შეეწირა.
კონფლიქტის დაწყებიდან საშუალოდ ყოველდღიურად 300-ამდე ადამიანი იღუპება. ამ ინფორმაციას ღაზის ჯანდაცვის სამინისტრო ავრცელებს.
ისრაელზე იზრდება საერთაშორისო ზეწოლა. არაბთა გაერთიანებული საამიროების მიერ შემუშავებული რეზოლუცია ღაზაში ცეცხლის შეწყვეტის თაობაზე გაეროს უშიშროების საბჭოს კენჭისყრაზე ორშაბათს უნდა გაეტანა, თუმცა შეერთებული შტატების მიერ ვეტოს მესამედ დადების თავიდან აცილების მიზნით კენჭისყრა კიდევ ერთხელ გადაიდო.
გრძელდება ისრაელის თავდაცვის ძალების სამხედრო ოპერაცია.
ისრაელის დაბომბვის შემდეგ დაჭრილი პალესტინელები ქალაქ ხან-უინისში, ნასერის საავადმყოფოში გადაჰყავთ.https://t.co/UvoYXG5eQE
— Euronews Georgia (@EuronewsGeorgia) December 19, 2023
უახლესი ინფორმაციით, ღაზის ქალაქ ხან-იუნისში ქუჩის ინტენსიური ბრძოლები მიმდინარეობს
ამასთანავე, ისრაელის მხარე ავრცელებს მორიგ კადრებს და ამტკიცებს, რომ ეს „ჰამასის“ გვირაბების ქსელის ნაწილია.
An inside look into a Hamas terrorist tunnel exposed under the home of a close confidant of Hamas' leader in Gaza, Yahya Sinwar. pic.twitter.com/8id78kF2W7
— Israel Defense Forces (@IDF) December 20, 2023
ისრაელის პრემიერ-მინისტრმა ბენიამინ ნეთანიაჰუმ კიდევ ერთხელ განაცხადა, რომ ნებისმიერ შემთხვევაში საბრძოლო მოქმედებების შეწყვეტა მხოლოდ დროებითი იქნება, რადგან ისრაელის მიზანი „ჰამასის“ განადგურებაა. მისი თქმით, „ჰამასის“ თითოეული ტერორისტი მოსიარულე გვამია. მათ მხოლოდ ორი არჩევანი აქვთ: დანებება ან სიკვდილი.
ორგანიზაცია „ექიმები საზღვრების გარეშე“ შეშფოთებას გამოთქვამს ისრაელის მიერ ღაზაში ჰუმანიტარული დახმარების შეზღუდვის გამო. ჯანმოშიც აცხადებენ, რომ ღაზის მოსახლეობის გაჭირვებასა და სასოწარკვეთას სხვადასხვა დაავადება, შიმშილი, ასევე სანიტარიისა და ჰიგიენის პრობლემებიც ემატება.
