16 დეკემბერს ილიას სახელმწიფო უნივერსიტეტში ილიას სახელმწიფო უნივერსიტეტისა და ატომური დაბომბვის მსხვერპლთა ნაგასაკის მშვიდობის ეროვნული მემორიალური დარბაზის ორგანიზებით გაიხსნება ფოტოგამოფენა „იაპონიის ატომური დაბომბვა.“
ექსპოზიციაზე წარმოდგენილი იქნება 1945 წლის 6 აგვისტოს ჰიროშიმისა და 1945 წლის 9 აგვისტოს ნაგასაკის დაბომბვის შედეგის ამსახველი ფოტონამუშევრები, გადარჩენილ ადამიანთა წერილობითი მასალები და ვიდეოჩანაწერები.
ევრონიუს ჯორჯიას ეთერში ილიას სახელმწიფო უნივერსიტეტის ასოცირებულმა პროფესორმა, ამავე უნივერსიტეტის იაპონური ცენტრის ხელმძღვანელმა, ჰუმანიტარულ მეცნიერებათა დოქტორმა ჯაბა მესხიშვილმა ისაუბრა.
