ბოლო დღეების განმავლობაში ხელოვნურ ინტელექტზე დაფუძნებული ჩატბოტის, ChatGPT-ის მომხმარებლები ჩიოდნენ, რომ ჩატბოტი „გაზარმაცდა“ და აღარ ასრულებდა იმას, რასაც მას მომხმარებლები სთხოვდნენ. მომხმარებლების თქმით, ხელოვნური ინტელექტი მათ ხანდახან თავხედურადაც კი პასუხობდა.
we've heard all your feedback about GPT4 getting lazier! we haven't updated the model since Nov 11th, and this certainly isn't intentional. model behavior can be unpredictable, and we're looking into fixing it 🫡
— ChatGPT (@ChatGPTapp) December 8, 2023
კომპანია OpenAI-ში დაადასტურეს ინფორმაცია იმის შესახებ, რომ ChatGPT-ის ქცევა ნაწილობრივ შეიცვალა. მაგალითად, როდესაც მომხმარებელი მას სთხოვს, რომ კოდის ფრაგმენტი შექმნას, ის აძლევს მოკლე ინფორმაციას და შემდეგ მომხმარებელს პასუხობს, რომ დანარჩენი თვითონ გააკეთოს.
OpenAI-ში აცხადებენ, რომ ჩატის “გაზარმაცების” საკითხზე მუშაობენ
კონკრეტულად კი არის საუბარი ChatGPT-ის უახლეს, მეოთხე მოდელზე, რომელიც კომპანიის ცნობით არ განახლებულა 11 ნოემბრის შემდეგ, თუმცა ეს მიზანმიმართულად არ განუხორციელებიათ. მათი თქმით, ასეთ დროს მოდელის ქცევა არაპროგნოზირებადია და ისინი ამის გამოსწორებას ცდილობენ.
