უკრაინის პრეზიდენტმა ეროვნული თავდაცვის უნივერსიტეტში სიტყვით მიმართა შეერთებული შტატების სამხედრო ოფიცრებს იმ იმედით, რომ დაარწმუნებს კონგრესს, თანხის ამოწურვამდე გააგრძელოს უკრაინისთვის იარაღის მიწოდება.
I met with leaders of US defense companies and expressed my gratitude to every American worker who manufactures weapons that help us safeguard our people and defend our land.
I appreciated all American companies that attended last week's US-Ukraine defense industry conference.… pic.twitter.com/B82hyH2BUZ— Volodymyr Zelenskyy / Володимир Зеленський (@ZelenskyyUa) December 11, 2023
თავდაცვის მდივანმა ლიოდ ოსტინმაც განაცხადა, რომ უკრაინის გამარჯვებას მათი უსაფრთხოებისთვისაც უდიდესი მნიშვნელობა აქვს. ვოლოდიმირ ზელენსკი დღეს კაპიტოლიუმს ეწვევა. იგი თეთრ სახლში ჯო ბაიდენსაც შეხვდება.
რუსეთი კი აგრძელებს უკრაინაზე საჰაერო იერიშების მიტანას
ხერსონის რეგიონში ერთი ადამიანი დაიღუპა, 2 კი დაიჭრა. უკრაინული მხარის ინფორმაციით, გუშინ, 11 დეკემბერს, 73 შეტაკება მოხდა. რუსმა სამხედროებმა უკრაინის შეიარაღებული ძალებისა და დასახლებული პუნქტების მიმართულებით განახორციელეს 10 საჰაერო და 46 იერიში მრავალჯერადი სარაკეტო სისტემიდან.
ამასთანავე, 11 დეკემბერს რუსეთის საარჩევნო კომისიაში განაცხადეს, რომ მომავალი წლის საპრეზიდენტო არჩევნები გაიმართება უკრაინის ოკუპირებულ რეგიონებშიც, რომელთა ტერიტორიებიც მოსკოვმა 2022 წელს უკრაინაში სრულმასშტაბიანი შეჭრის შემდეგ დაიპყრო.
