მრავალპარტიული დემოკრატიის ცენტრი გაეროს ქალთა ორგანიზაციასთან თანამშრომლობით ახალ პროექტს იწყებს, რომლის მიზანი ქალთა პოლიტიკური და სამოქალაქო მონაწილეობისა და აქტიურობის გაძლიერებაა.
ამ მიზნით, მრავალპარტიული დემოკრატიის ცენტრი აარსებს „ქალთა პოლიტიკურ აკადემიას.“ პროექტი უფასოა და ღიაა სამოქალაქო ინიციატივებით, საჯარო პოლიტიკითა და გენდერული თანასწორობის საკითხებით დაინტერესებული საქართველოს მოქალაქე ყველა ქალისთვის.
ევრონიუს ჯორჯიას ეთერში ქალთა პოლიტიკური მონაწილეობის პროექტის მენეჯერმა, მრავალპარტიული დემოკრატიის ცენტრის გენდერული თანასწორობის მიმართულების კოორდინატორმა ანა მაგრაქველიძემ და გაეროს ქალთა ორგანიზაციის პროექტის “ქალთა ლიდერობა დემოკრატიისთვის საქართველოში” ანალიტიკოსმა ნათია წიქვაძემ ისაუბრეს.
